Qeveria në detyrë ka hapur zyrtarisht aplikimin për shumën prej 100 eurosh, drejtuar punëtorëve të sektorit jo-publik. Ky nismë financiare synon të mbështesë punonjësit e sektorit privat dhe jo-publik.
Afati për aplikim ka filluar sot dhe do të jetë i hapur deri më 5 qershor 2026. Të gjithë të interesuarit mund të aplikojnë duke plotësuar formularin online në adresën: https://apps.atk-ks.org/Subvencionim.
Secili punëtor duhet të aplikojë individualisht, duke siguruar saktësinë e të gjitha të dhënave të paraqitura. Është thelbësore që llogaria bankare të jetë në emër të përfituesit. Aplikimet me të dhëna të pasakta do të refuzohen.
Kush mund të aplikojë:
- Punëtorët e punësuar në sektorin privat.
- Punëtorët në organizata jo-qeveritare (OJQ).
- Punëtorët në entitete publike, të cilët nuk marrin pagë nga buxheti përmes listës së pagave (siç janë Ndërmarrjet Publike, RTK, etj.).
Kriteret kryesore për përfitim:
- Të ardhurat mujore bruto të aplikantit nuk duhet të kalojnë 1,000 euro.
- Punëtori duhet të jetë i deklaruar në Administratën Tatimore të Kosovës (ATK) nga punëdhënësi, përmes deklaratës së muajit prill, e cila është bërë deri më 15 maj.
