Jennifer Garner ka shprehur një vlerësim të thellë për ish-bashkëshortin e saj, Ben Affleck, duke e përshkruar atë si një prind të jashtëzakonshëm për fëmijët e tyre.
Pas ndarjes së tyre në vitin 2018, pas një martese që zgjati një dekadë, Garner dhe Affleck kanë vazhduar të punojnë së bashku për të siguruar një ambient të shëndetshëm për rritjen e tre fëmijëve të tyre.
Në një intervistë të fundit për “Entertainment Weekly”, aktorja theksoi se Affleck ka arritur të krijojë një ekuilibër të admirueshëm mes karrierës së tij dhe detyrave si prind.
“Fëmijët e mi tani janë pak më të rritur. Babai i tyre është një prind i shkëlqyer”, shprehet Garner me një ton optimist.
Ajo tregoi se në vitet e para të rritjes së fëmijëve, kishte investuar shumë kohë dhe energji për t’u kujdesur për ta, por tani situata ka evoluar.
“Ai është gjithmonë aty për ta. Është i mrekullueshëm dhe kjo është një lehtësim për mua”, shtoi ajo, duke vlerësuar angazhimin e Affleck si baba.
Burime të afërta me çiftin kanë bërë të ditur se marrëdhënia e tyre aktuale është miqësore dhe e fokusuar në mirëqenien e fëmijëve, duke ofruar mbështetje të ndërsjellë në rolin e prindërve.
Kjo bashkëpunim i vazhdueshëm tregon se, pavarësisht ndarjes, ata janë të angazhuar për të siguruar një të ardhme të ndritur për fëmijët e tyre.
