Pompat e derivateve në vendin tonë jo rrallëherë janë cak i hajnave. Kjo dukuri po krijon pasiguri dhe frikë si për qytetarët ashtu edhe për punëtorët që punojnë në këto biznese, raporton Gazeta PrishtinaPost.
Një rasti i grabitjes ka ndodhur edhe dje në një pompë derivatesh në Korroticë të Epërme në Drenas.
Një person i maskuar dhe nën kërcënimin e një mjeti të fortë, është futur me dhunë në pompën e derivateve ‘VEDA’ dhe ka grabitur pazarin ditor, duke u larguar me shpejtësi nga vendi i ngjarjes
Bëhet e ditur se i dyshuari ka grabitur para të gatshme dhe është larguar në drejtim të panjohur.
Policia ka dalë në vendin e ngjarjes dhe kanë kryer ekzaminimet e nevojshme dhe po bën të pamundurën për kapjen e autorit të dyshuar.
Rasti është iniciuar për veprën “Grabitje”.
PrishtinaPost do t’iu mbajë të informuar për çdo risi nga ky rast.
