A ka ndodhur një martesë e fshehtë mes Mateo Borrit dhe Brikena Selmanit? Ky dyshim u ngrit teksa çifti ishte i pranishëm si anëtarë të jurisë në emisionin “She’s on Top”, ku vëmendja u përqendrua menjëherë te dy unazat me diamant në dorën e Brikenës.
Prania e unazave ngriti menjëherë pyetje dhe aludime mes të pranishmëve në studio mbi një mundësi martese private. Moderatorja Sara Gjordeni nuk hezitoi t’i pyesë drejtpërdrejt për këtë çështje.
Mateo Borri, duke sqaruar situatën, tregoi se njëra nga unazat ishte dhuratë nga ai, ndërsa tjetra i ishte dhuruar nga familja e Brikenës. Për të shtuar më shumë humor dhe duke i dhënë fund spekulimeve, Brikena Selmani u shpreh në mënyrë ironike se Sara Gjordeni dhe Bardhi do të jenë të ftuar në dasmën e tyre, në rast se një ceremoni e tillë do të organizohet në të ardhmen.
