Kryetari i Prishtinës, Përparim Rama, ka shprehur mirënjohje të thellë për këngëtarin e njohur Yll Limani, i cili së fundmi ka dhuruar instrumente muzikore për shkollën e muzikës “Prenk Jakova” në kryeqytet.
Në një postim publik, Rama vlerësoi gjestin humanitar të Limanit, duke theksuar se ai nuk është vetëm një artist që mbush skenat, por edhe një individ që krijon mundësi për të tjerët.
“Sot, bashkë me Yll Limanin, ishim në Shkollën e Muzikës “Prenk Jakova” për me i dhuru instrumentet që i kanë munguar prej kohësh kësaj shkolle. Ylli nuk është veç një artist që mbush skena. Është një djalë që dhuron dhe krijon mundësi edhe për të tjerët,” tha Rama.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Kryetari Rama shtoi se është i lumtur që Prishtina, si kryeqytet, ka mbështetur koncertin e artistit. “Prandaj jam i lumtur që, si Kryeqytet, e kemi mbështetur koncertin e tij. Prishtina ka me i vlerësu gjithë ata që e përfaqësojnë me dinjitet,” përfundoi ai.
Ky donacion pritet të ketë një ndikim pozitiv në procesin mësimor të nxënësve të shkollës së muzikës, duke u mundësuar atyre qasje në instrumente cilësore.
