Bota e futbollit është në zi pas lajmit të papritur për ndarjen nga jeta të ish-sulmuesit të njohur të kombëtares së Nigerisë, Michael Eneramo. 40-vjeçari humbi jetën në rrethana tragjike gjatë zhvillimit të një ndeshjeje futbolli lokale.
Ngjarja e rëndë ndodhi kur Eneramo u shemb papritur në mes të fushës, duke shkaktuar panik dhe shqetësim të menjëhershëm te bashkëlojtarët, stafi dhe tifozët e pranishëm. Pavarësisht përpjekjeve të shpejta mjekësore për ta rikthyer në jetë, ish-futbollisti nuk mundi t’i përballonte gjendjen. Ai u dërgua me urgjencë në spital, ku fatkeqësisht u konfirmua vdekja e tij.
Federata e Futbollit të Nigerisë ka reaguar menjëherë, duke e cilësuar këtë humbje si një goditje të fortë për futbollin nigerian dhe komunitetin sportiv global. Mesazhe ngushëllimi kanë vërshuar nga ish-shokë skuadre, klube të ndryshme dhe tifozë anembanë botës, të cilët kanë vlerësuar kontributin e tij të jashtëzakonshëm gjatë karrierës.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Michael Eneramo, i cili ka luajtur 11 ndeshje dhe ka shënuar 3 gola për kombëtaren e Nigerisë, ka pasur një karrierë të suksesshme edhe në nivel klubesh, duke përfaqësuar skuadra në Afrikë, Lindjen e Mesme dhe Turqi. Pas pensionimit nga futbolli profesionist në vitin 2018, ai ka mbetur aktiv në komunitetin sportiv, duke u angazhuar në aktivitete lokale dhe duke dhënë mbështetje për gjeneratat e reja.
Vdekja e tij e papritur lë një boshllëk të ndjeshëm, ndërsa detajet e plota rreth rrethanave të vdekjes së tij dhe hetimet e mëtejshme janë duke u zbardhur.
