Dy nga emrat më të popullarizuar të muzikës shqiptare, Yll Limani dhe Rina Balaj, po përgatiten të sjellin një surprizë të madhe për publikun. Pas javësh të tëra spekulimesh në rrjetet sociale, duket se thashethemet për një bashkëpunim mes tyre janë konfirmuar.
Fansat kanë qenë në pritje të këtij lajmi, duke vënë re postime të përbashkëta nga artistët, të cilët ndodheshin në të njëjtin vend, Mallorca të Spanjës. Këto pamje nxitën më tej diskutimet për një projekt të përbashkët.
Në një njoftim të përbashkët përmes Instagramit, Ylli Limani dhe Rina Balaj konfirmuan se surpriza do të publikohet sot. Limani, me entuziazëm, zbuloi datën dhe orën: “Sot n’18:00 unë edhe Rina e kemi një këngë për juve”.
Ky njoftim ka shkaktuar menjëherë reagime të shumta dhe një numërim të shpejtë mbrapsht nga fansat, të cilët mezi presin të dëgjojnë këtë duet që pritet të jetë një ndër hitet e verës. Pyetja që mbetet është se çfarë do të sjellë ky bashkëpunim mes dy yjeve të muzikës popullore shqiptare.
