Arrestimet dhe dërgimi në Hagë i figurave kyçe të Ushtrisë Çlirimtare të Kosovës (UÇK) kanë ngjallur reagime të forta dhe shqetësime të thella në shoqërinë kosovare. Intellektuali i njohur, Rexhep Qosja, nëpërmjet shënimeve të tij nga ditari, të datës 4 dhe 5 nëntor 2020, shpreh revoltë dhe brengosje për mënyrën se si po trajtohen ata që kontribuuan në çlirimin e Kosovës.
Qosja cilëson bastisjet e shtëpive të Jakup Krasniqit, Rexhep Selimit, Hashim Thaçit dhe Kadri Veselit si akte të “vrazhdësisë” dhe “egërsisë”, duke i krahasuar me “Stalinizmin demokratik” europian. Ai shpreh keqardhje të thellë për arrestimin e tyre, duke theksuar se Kosova, si institucion, nuk është e aftë të mbrojë askënd.
Në shënimet e tij, Qosja vë në dyshim drejtësinë e procesit gjyqësor të Dhomave të Specializuara. Ai pyesë retorikisht: “Çfarë do të arrijë me këto Gjykime të Gjykatës së Posaçme? A do të barazojë luftën tonë mbrojtëse me luftën pushtuese të Serbisë?” Ai rikujton se lufta e UÇK-së ishte mbrojtëse dhe çlirimtare, duke sfiduar idenë që luftërat e tilla të dënohen.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Qosja ishte shprehur kundër krijimit të Gjykatës së Posaçme, duke argumentuar se Kosova nuk duhet ta krijojë vetë një institucion që do ta gjykonte atë. Shënimet e tij, të ruajtura besnikërisht me format dhe veçoritë drejtshkrimore origjinale, ofrojnë një pasqyrë të brendshme të mendimeve të tij në lidhje me këto ngjarje tronditëse njëzet vjet pas luftës.
