Pas javësh me spekulime dhe aludime në rrjetet sociale, Elijona ka vendosur të adresojë publikisht situatën e saj me partnerin Klodin. Në një deklaratë të sinqertë, ajo ka pranuar se marrëdhënia e tyre po kalon një fazë delikate dhe larg asaj që ka qenë më parë.
“Çdo lidhje ka sfidat e veta, dhe askush nuk dëshiron të flasë për momentet e vështira, veçanërisht kur bëhet fjalë për diçka kaq personale”, ka shkruar Elijona, duke lënë të kuptohet se arsyeja e krizës është mjaft e ndjeshme.
Ajo ka theksuar se ndryshimi në dinamikën e çiftit nuk është vënë re vetëm nga ajo, por edhe nga ndjekësit e saj. “Jam e sigurt se edhe ju e keni vënë re se diçka ka ndodhur, dhe po, është e vërtetë që po kalojmë një periudhë më të vështirë”, ka shtuar ajo, duke konfirmuar kështu shqetësimet e publikut.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Megjithatë, Elijona ka shmangur me kujdes çdo koment rreth thashethemeve për tradhti të mundshme nga ana e Klodit. Ajo ka apeluar për mosnxitimin në gjykime, duke theksuar se në një marrëdhënie janë përgjegjëse të dy palët. “Nuk dua të hy në lojën e fajësimit, sepse në një marrëdhënie janë të dy palët që kontribuojnë”, ka theksuar ajo.
Duke kërkuar mirëkuptim dhe respekt për privatësinë e tyre, Elijona ka lënë të kuptohet se situata është më komplekse sesa duket nga jashtë. Ajo shprehu dëshirën që të ruhet qetësia dhe të mos jepen deklarata të nxituara derisa situata të sqarohet më tej.
Ky është një nga reagimet e para publike të Elijonës për këtë çështje, duke lënë të nënkuptohet se ndarja nuk është një opsion në horizont, por se marrëdhënia kërkon punë dhe vëmendje për të tejkaluar krizën aktuale. Ajo u bëri thirrje të gjithëve të respektojnë ndjenjat dhe hapësirën e tyre, duke nënvizuar rëndësinë e komunikimit dhe mirëkuptimit në çdo sfidë që paraqet një lidhje.
