Luka Modrić, ylli kroat i futbollit, ka folur hapur për ndjenjat e tij të përziera mes pasionit për Real Madridin dhe angazhimit të tij te Milani. Në një intervistë të fundit, Modrić shprehu nostalgjinë e thellë për Madridin, qytetin dhe klubin që i ka dhënë aq shumë, por gjithashtu theksoi lumturinë dhe mirëpritjen që ka gjetur në Milano.
“Më mungon Madridi, qyteti dhe klubi, por ndihem i lumtur këtu në Milano, ku më pritën me krahëhapur që ditën e parë. Edhe pse nostalgjia për Madridin është e madhe, kam gjetur një ambient të ngrohtë në Milano,” tha Modrić, duke nënvizuar lidhjen e fortë emocionale me ish-klubin e tij.
Për sa i përket zgjedhjes së tij për Milanin, Modrić tregoi se klubi kuqezi ka qenë gjithmonë i veçantë për të. “Milani është një nga klubet më të njohura dhe historike në botë. Duke u rritur, Milani ishte skuadra e zemrës sime. Kur u paraqit mundësia pas Real Madridit, nuk pata asnjë dyshim për të kaluar këtu,” deklaroi ai.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Me hyrjen në sezonin e tij të dytë me Milanin, Modrić ka vendosur objektiva të lartë. “Dua të bëj më mirë se sezonin e kaluar. Milani duhet të luajë çdo vit në Champions League, pasi është klubi i dytë me më shumë tituj në këtë kompeticion, pas Real Madridit,” theksoi mesfushori.
Ai gjithashtu theksoi se suksesi i ekipit nuk varet nga individët. “Dua të garoj dhe të jap maksimumin për të rikthyer Milanin te fitorja. Një lojtar i vetëm nuk mund ta bëjë këtë,” shtoi Modrić, duke nënvizuar rëndësinë e bashkëpunimit.
Lidhur me të ardhmen e tij dhe mundësinë e pensionimit, Modrić mbetet optimist dhe ambicioz. “Trupi do të më tregojë kur të ndalem. Është afër, por nuk e di sa kohë kam ende për të luajtur,” tha ai, duke treguar se pasioni për futbollin nuk i është zbehur.
Në fund, Modrić nuk la pa përmendur dëshirën për një rikthim te Real Madridi, por në një rol të dobishëm. “Madridi është shtëpia ime dhe do të doja të kthehesha. Por dua të jem i dobishëm dhe të ndihmoj Real Madridin. Shpresoj vërtet që të ndodhë,” përfundoi ai, duke lënë të hapur derën për një kapitull të ri në të ardhmen.
