Një nga figurat më të njohura të muzikës shqiptare, Don Xhoni, ka konfirmuar pjesëmarrjen e tij në marshin protestues të titulluar “Marsh për Liri”, i cili do të mbahet më 12 shtator në sheshin “Skënderbeu” në Prishtinë, duke filluar nga ora 14:00. Ky tubim synon të shprehë mbështetje për ish-krerët e Ushtrisë Çlirimtare të Kosovës (UÇK) dhe të bashkojë artistë e qytetarë në një thirrje për drejtësi.
Në një deklaratë të fortë të publikuar në rrjetet sociale, Don Xhoni theksoi rëndësinë historike dhe simbolike të këtij marshimi. Ai e cilësoi ngjarjen si një mundësi për të reflektuar mbi sakrificat e bëra për lirinë e Kosovës. “Nuk po gjykohen veç ata. Po gjykohet një pjesë e historisë tonë. Po gjykohet sakrifica jonë. Po gjykohet liria e vendit tonë. E ajo liri, për mua, nuk ka çmim”, u shpreh artisti, duke shoqëruar mesazhin me emblemën zyrtare të UÇK-së dhe duke inkurajuar një prani masive.
Posteri zyrtar i marshit, me moton “Kosova po pret” dhe “Liria ka Emër”, ku paraqiten ish-drejtuesit e UÇK-së si Hashim Thaçi, Kadri Veseli, Rexhep Selimi dhe Jakup Krasniqi, është shpërndarë gjerësisht nga Don Xhoni. Ai i bashkohet kështu artistëve të tjerë si Yll Limani dhe Shyhrete Behluli, të cilët gjithashtu kanë shprehur mbështetje publike dhe kanë bërë thirrje për solidaritet.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Ky organizim, i iniciuar nga platforma “Liria ka Emër”, vjen si reagim ndaj procesit gjyqësor që po zhvillohet në Dhomat e Specializuara në Hagë kundër ish-krerëve të UÇK-së. Qëllimi kryesor është rritja e ndërgjegjësimit dhe mobilizimi i mbështetjes për ata që kontribuan në luftën për liri. Momenti kulminues i këtij procesi pritet të jetë më 16 shtator, kur do të shpallet verdikti për akuzat kundër Hashim Thaçit, Kadri Veselit, Rexhep Selimit dhe Jakup Krasniqit.
