Bashkësia Islame e Kosovës (BIK) ka dalë me një njoftim zyrtar për të gjithë besimtarët myslimanë dhe opinionin publik, duke përcaktuar detajet rreth festës së Kurban Bajramit për vitin 2026. Sipas njoftimit, dita e parë e kësaj feste të madhe do të jetë të mërkurën, më 27 maj.
Manifestimi qendror festiv për territorin e Kosovës do të mbahet në Xhaminë e Madhe në Prishtinë. Programi fillon herët në mëngjes, në orën 4:25, me faljen e namazit të sabahut. Pas namazit, do të mbahet një ligjëratë tematike e cila do t’i kushtohet rëndësisë së Kurban Bajramit. Ligjëratën do ta mbajë Arbnor ef. Sinani, kryeimami i Këshillit të Bashkësisë Islame në Skenderaj.
Ora zyrtare për faljen e namazit të Kurban Bajramit është caktuar në orën 5:40 të mëngjesit. Namazit do t’i prijë Mustafa ef. Dallku, ndërsa hytben, mesazhin solemn të festës, do ta paraqesë Myftiu i Kosovës, Naim ef. Tërnava.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Për të shënuar festën, Kryesia e BIK-ut do të organizojë pritje tradicionale në selinë e saj, nga ora 9:00 deri në orën 12:00. Bashkësia Islame e Kosovës uron të gjithë besimtarët dhe opinionin e gjerë për Kurban Bajramin, duke u lutur Zotit për pranimin e haxhit, kurbanit, lutjeve dhe ibadeteve.
“Me fat festa e Kurban – Bajramit!”, përfundon njoftimi.
