Futbollisti i njohur gjerman, Karim Adeyemi, partneri i këngëtares shqiptare Loredana Zefi, priti në shtëpinë e tyre në Ferizaj, ish-kryeministrin e Kosovës, Ramush Haradinajn dhe bashkëshorten e tij, Anitën.
Si mikpritës dhe dhëndërr i shtëpisë, Adeyemi i bëri një dhuratë simbolike kreut të AAK-së. Ai i dhuroi Haradinajt një fanellë të klubit të tij, Borussia Dortmund, e cila duket se ka marrë miratimin e plotë të politikanit.
Ky takim vjen në kohën kur çifti i famshëm, Loredana dhe Karim, po shijojnë disa ditë pushimi në Kosovë, duke u vendosur përkohësisht në shtëpinë e tyre në Ferizaj.
