Përmes një njoftimi të lëshuar në llogarinë zyrtare të klubit në Facebook, është bërë e ditur ndeshja ku Prishtina do të luajë përballjen e shtyer ndaj Dritës që i takon xhiros së dytë të Superligës.
Prishtinasit kanë bërë të ditur se data e zhvillimit të duelit të mbetur të Superligës është përcaktuar të jetë 4 nëntori dhe atë me fillim prej orës 13.00 në stadiumin me bar sintetik në Gjilan.
TABELA AKTUALE E SUPERLIGES
Kujtojmë, kjo ndeshje ishte e përcaktuar të luhej më 5 shtator, por për shkak të angazhimeve të Dritës në garat e UEFA-së, përballja u shtye.
“Ndeshja e mbetur e javës së dytë ndërmjet FC Dritës dhe FC Prishtinës, e cila ishte shtyrë, do të zhvillohet të mërkurën, më 4 nëntor, nga ora 13:00, në stadiumin me bari sintetik në Gjilan.” — bëri të ditur FC Prishtina sot.
