Këngëtari i njohur, Gjesti, ka reaguar publikisht lidhur me zhvillimet e fundit dhe debatet që kanë përfshirë zonën e Zvërnecit. Përmes një postimi emocionues në rrjetin social Instagram, ai ka shprehur shqetësimin e thellë për mënyrën se si po trajtohet ky vend i veçantë natyror dhe historik.
Gjesti ka sqaruar se qëndrimi i tij nuk është kundër zhvillimit apo investimeve, por thekson se asnjë veprim nuk duhet të cenojë vlerat unike dhe të pazëvendësueshme të Zvërnecit. “Unë si Gjest, nuk munda të rri indiferent kur natyra, historia dhe identiteti vihen përballë interesave ekonomike. Zhvillimi është i nevojshëm, por ai duhet të ndërtohet me transparencë dhe me respekt për trashëgiminë që nuk zëvendësohet,” ka shkruar artisti.
Ai ka vënë në dukje nevojën urgjente për një ekuilibër të shëndetshëm mes përparimit ekonomik dhe mbrojtjes së mjedisit. Në fund të mesazhit të tij, Gjesti u ka drejtuar një thirrje të fortë vendimmarrësve, duke kërkuar që çdo hap i ardhshëm të merret duke u konsultuar me qytetarët dhe duke treguar respekt për natyrën.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
“Uroj që çdo vendim për Zvërnecin të merret me përgjegjësi, me dëgjimin e qytetarëve dhe me respekt për natyrën,” ka përfunduar ai, duke shoqëruar fjalët e tij me një emoji zemre të kuqe, simbol i lidhjes së tij shpirtërore me këtë çështje.
