Një modele argjentinase, e quajtur Carolina, po bën xhiron e internetit falë ngjashmërisë së saj të jashtëzakonshme me këngëtaren e njohur shqiptare, Dua Lipa. Videot ku ajo shfaqet, duke performuar këngë të Dua Lipës si hiti i fundit “Training Season”, po marrin mijëra shikime dhe po nxisin diskutime globale.
Tiparet e fytyrës, ngjyra e flokëve dhe sidomos profili i saj i kanë bërë mijëra përdorues në rrjetet sociale të shprehin befasinë e tyre. Shumë komentues e kanë cilësuar Carolinën si “motra binjake” e Dua Lipës, ndërsa disa të tjerë pranojnë se në pamje të parë e kanë ngatërruar atë me vetë këngëtaren.
Ngjashmëria ka qenë aq e theksuar saqë disa kanë ngritur dyshime për mundësinë e manipulimit digjital apo përdorimin e Inteligjencës Artificiale. Megjithatë, Carolina duket se po e shfrytëzon këtë vëmendje të papritur për të rritur popullaritetin e saj, duke shënuar një rritje të ndjeshme të numrit të ndjekësve në platformat dixhitale.
