Pas ceremonisë madhështore të martesës, këngëtarja e njohur shqiptare Dua Lipa dhe partneri i saj, aktori Callum Turner, kanë vazhduar festimet në një atmosferë më intime në Palermo të Siçilisë. Të dielën, më 7 qershor, çifti organizoi një drekë të veçantë për familjen dhe miqtë e tyre më të afërt.
Për këtë rast, Dua Lipa, 30 vjeç, shkëlqeu në një fustan të bardhë me detaje dantelle, të veshur mbi bikini të bardha, duke ruajtur një stil elegant dhe veror. Callum Turner, 35 vjeç, e shoqëroi me një bluzë blu të errët dhe të bardhë, pantallona të zeza, kapelë dhe syze dielli, duke treguar një qasje të relaksuar por të sofistikuar.
Kjo festë vjen pas ceremonisë së dytë të martesës, e cila u zhvillua një ditë më parë para rreth 200 të ftuarve në Villa Valguarnera, pranë Palermos. Ngjarja tërhoqi vëmendjen e shumë personaliteteve të njohura nga bota e artit dhe modës, duke përfshirë emra si Elton John, Donatella Versace, Charli XCX, Joe Alwyn dhe Olivia Dean.
