Këshilli Prokurorial i Kosovës (KPK) ka refuzuar kërkesat për tërheqjen e dorëheqjeve të disa prokurorëve dhe 15 anëtarëve të stafit mbështetës nga komuniteti serb në Prokurorinë e Mitrovicës. Pas këtij vendimi, KPK-ja ia ka dërguar ushtrueses së detyrës së Presidentes, Albulena Haxhiu, emrat e prokurorëve për t’u liruar nga detyra.
Në një njoftim të sotëm, Albulena Haxhiu ka konfirmuar se ka nënshkruar dekretet për lirimin nga detyra të shtatë prokurorëve serbë. Ky veprim zyrtarizon fundin e një procesi të gjatë dhe zbatimin e vendimit të institucionit kompetent, në përputhje me Kushtetutën dhe ligjet e Republikës së Kosovës.
“Pas vendimit të Këshillit Prokurorial të Kosovës për lirimin nga detyra të shtatë prokurorëve nga komuniteti serb, të cilët kishin dhënë dorëheqje në vitin 2022, kam nënshkruar dekretet për lirimin e tyre nga detyra,” ka shkruar Haxhiu në postimin e saj.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Ajo ka theksuar se shteti funksionon mbi parimet e rendit kushtetues dhe sundimit të ligjit, duke shtuar se askush nuk mund të pengojë funksionimin e institucioneve ose të krijojë paqartësi juridike përmes proceseve të papërfunduara. “Republika e Kosovës do të vazhdojë të veprojë me vendosmëri, në përputhje me ligjin dhe në mbrojtje të integritetit të institucioneve të saj,” ka përfunduar ajo.
