Një lajm i jashtëzakonshëm vjen nga brigjet e Turqisë, ku arkeologët kanë bërë një zbulim që mund të ridimensionojë kuptimin tonë për historinë e lundrimit detar. Një anije e fundosur, që besohet të jetë rreth 4700 vjeçare, është zbuluar në një thellësi prej rreth 30 metrash pranë ishullit Kekova. Ky gjetje historike, e njoftuar nga Ministria e Kulturës e Turqisë, ka nxjerrë në dritë amfora të lashta që ofrojnë dritë të çmuar mbi jetën dhe tregtinë e periudhës Neolitike.
Amforat, të cilat datojnë midis 4400 dhe 4700 vjet më parë, sugjerojnë përdorimin e tyre kryesor për transportimin dhe ruajtjen e produkteve si vaji i ullirit dhe vera. Megjithatë, një amforë e veçantë ka ngjallur kureshtje të veçantë. Me shenja unike dhe dy vrima në trupin e saj, ajo mund të ketë shërbyer për prodhimin e djathit ose gjalpit, duke lënë të kuptohet se marinarët mund të kenë udhëtuar me kafshë të tilla si dhi për të siguruar produkte të freskëta bulmeti gjatë udhëtimeve të tyre të gjata detare.
Ky zbulim i jashtëzakonshëm drejtohet nga Hakan Öniz, profesor në Universitetin Akdeniz në Antalia. Ai ka zbuluar se anija është identifikuar për herë të parë katër vjet më parë, por vlerësimi i moshës së amforave është bërë më i saktë kohët e fundit. Krahasimi me amfora të ngjashme të gjetura pranë piramidave të Gizës në Egjipt, ka konfirmuar rëndësinë e këtij zbulimi për të kuptuar zhvillimin e tregtisë dhe lundrimit detar në lashtësi. “Këto amfora ngjajnë shumë me ato të gjetura në rrënojat e anijes sonë,” ka deklaruar Öniz, duke theksuar se ky zbulim hap një faqe të re në studimin e qytetërimeve të hershme.
