Presidentja e Komisionit Evropian, Ursula von der Leyen, ka propozuar që Kanadaja të bëhet anëtarja e parë e asociuar e Bashkimit Evropian.
Propozimi u bë të mërkurën gjatë fjalimit të saj vjetor për gjendjen e Bashkimit Evropian, në Parlamentin Evropian në Strasburg.
“Dëshiroj të punoj me ju për t’i hapur rrugën Kanadasë që të bëhet anëtarja e parë e asociuar e BE-së”, deklaroi von der Leyen.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Pas këtij propozimi, eurodeputetët e duartrokitën në këmbë. Von der Leyen më pas përqafoi kryeministrin kanadez, Mark Carney, i cili ndodhej në Parlament për ta dëgjuar fjalimin.
Von der Leyen deklaroi se BE-ja ka nevojë për partneritete të reja në një kohë që ajo e përshkroi si “një botë haptazi armiqësore”.
bazuar në saj, BE-ja dhe Kanadaja kanë qëndrime të përbashkëta në fusha si inteligjenca artificiale, ndryshimet klimatike, Arktiku dhe gjeopolitika, ndërsa kanë bashkëpunuar edhe për Ukrainën, mbrojtjen, lëndët e para dhe zinxhirët e furnizimit.
Carney e mirëpriti propozimin për forcimin e bashkëpunimit mes Kanadasë dhe Evropës, por në deklaratën e tij nuk e përmendi konkretisht anëtarësimin e asociuar.
Reuters raporton se ende nuk është e qartë se çfarë do të nënkuptonte konkretisht statusi i “anëtarit të asociuar”. Vendimi nuk mund të merret vetëm nga von der Leyen, pasi për këtë do të duhej të vendosnin shtetet anëtare të BE-së.
BE-ja përballet me luftën në kufijtë e saj pas pushtimit rus të Ukrainës, ndërsa si blloku evropian ashtu edhe Kanadaja po përballen me tensione tregtare me administratën e presidentit amerikan Donald Trump dhe me konkurrencën në rritje nga Kina.
Prishtina Post – lajme të shpejta dhe të sakta.
