Këngëtari i njohur shqiptar, Vlashent Sata, ka hedhur dritë mbi përfoljet për pjesëmarrjen e tij në formatin televiziv mjaft të diskutuar, “Big Brother VIP Albania”. Ndërsa emri i tij është përmendur shpesh në lidhje me këtë reality show, Sata ka sqaruar se nuk ka pranuar ende asnjë ofertë konkrete.
Gjatë një interviste televizive, kur u pyet drejtpërdrejt nëse do të bëhet pjesë e shtëpisë më të famshme në Shqipëri, artisti u shpreh se ndien një dëshirë për t’u afruar më shumë me publikun. Megjithatë, ai mbetet i pavendosur nëse ky format është zgjedhja e duhur për të.
“Nuk është e vërtetë. Nuk kam marrë asnjë informacion,” tha Sata duke iu referuar thashethemeve. Kur u pyet për interesimin e tij, ai shtoi: “Nuk e di. Dëshira për t’u afruar me njerëzit është aty, por për formatin…”
Këngëtari theksoi se e konsideron formatin si një lojë me ndjenjat e njerëzve, duke shtuar se si person emocional, ai ka vënë re ndikimin që këto formate kanë te pjesëmarrësit.
“Më duket si një lojë me ndjenjat e njerëzve. Unë jam një person emocional dhe kam parë se si ndihen ata që janë në formate të ngjashme,” shpjegoi Sata, duke lënë të hapur mundësinë për të ardhmen, por pa dhënë një përgjigje përfundimtare.
