Një vjedhje e rëndë është regjistruar në kompleksin luksoz “Marigona Residence”, që është nën komunën e Graçanicës, ku persona të panjohur kanë depërtuar në një shtëpi dhe kanë marrë kasafortën me para dhe stoli me vlerë të lartë.
Ngjarja është raportuar më 13 prill rreth orës 21:20, në shtëpinë e një shtetasi turk, të njohur për lagjen.
Siç mëson Prishtina Post, ankuesi A. Atici, ka deklaruar se pasi ka shkuar në shtëpi, fillimisht ka vërejtur se dera ishte e hapur, duke menduar se mund të ishte harruar ashtu.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Por sapo kanë hyrë brenda, kanë kuptuar se bëhej fjalë për vjedhje, pasi nga dhoma mungonte kasaforta, si dhe një set i kamerave të sigurisë.
Sipas deklarimit të tij, në kasafortë kanë qenë rreth 9 deri në 10 mijë euro para të gatshme, si dhe orë dhe stoli ari, me një vlerë totale që shkon deri në rreth 50 mijë euro.
Në vendin e ngjarjes kanë dalë të gjitha njësitë relevante policore, të cilat kanë nisur ekzaminimin dhe mbledhjen e provave.
Sinjali mëson se me urdhër të prokurorit kompetent, rasti është iniciuar si “Vjedhje e rëndë”.
Kujtojmë se vjedhjet e tilla në këtë lagje kanë ndodhur dhe më parë, ndërkaq policia asnjëherë nuk ka arritur t’i zbardh deri më tani.
Hetimet janë në vazhdim.
