Organizata Botërore e Shëndetësisë (OBSH) ka konfirmuar praninë e një lloji të rrallë të virusit të Andeve, e vetmja formë e njohur e hantavirusit që mund të transmetohet nga njeriu te njeriu, në një anije turistike holandeze, ku deri tani kanë humbur jetën 3 pasagjerë.
Autoritetet shëndetësore kanë raportuar gjideklaroishtu se nga anija janë evakuuar tre persona të prekur nga ky virus.
“Dy anëtarë të ekuipazhit dhe një tjetër që mendohet se janë të infektuar me virusin u larguan nga anija turistike”- deklaroi OBSH.
Të mërkurën, Ministria zvicerane e Shëndetësisë konfirmoi gjideklaroishtu se një pasagjer i anijes turistike me hantavirus është shtruar në spital në Zyrih. Ndërkohë, kompania holandeze së cilës i përket anija bëri të ditur se dy mjekë të specializuar për sëmundjet infektive po udhëtojnë nga Holanda dhe do të qëndrojnë në anije deri në zhvendosjen e saj nga bregdeti i Kepit të Gjelbër.
Ndonëse shqetësimet për përhapjen e virusit janë rritur, Organizata Botërore e Shëndetësisë ka deklaruar se rreziku për shëndetin publik nga shpërthimi i hantavirusit në anijen turistike mbetet i ulët, duke bërë thirrje që të mos krijohet panik apo të kufizohen udhëtimet ndërkombëtare.
Shqetësimet rreth kësaj situate shëndetësore janë shtuar që nga e shtuna, kur OBSH u informua se tre pasagjerë kishin humbur jetën dhe shkaku i dyshuar ishte virusi që zakonisht përhapet nga brejtësit e infektuar përmes jashtëqitjeve dhe pështymës.
Anija turistike me 149 persona në bord është e ankoruar pranë Kepit të Gjelbër, në Afrikë, dhe i është mohuar leja për të zbarkuar pasagjerët.
Prishtina Post – lajme të shpejta dhe të sakta.
