Klinika Infektive në Qendrën Klinike Universitare të Kosovës (QKUK) ka konfirmuar me trishtim se më datë 15.09.2026, është regjistruar vdekja e parë e një pacienti të prekur nga Virusi i Nilit Perëndimor (WNV).
Pacienti, i identifikuar si Rr. I., i lindur më 02.05.1960, ishte pranuar në Klinikën Infektive më 10.09.2026, duke u diagnostikuar me meningoencephalitis acuta, në një gjendje të rëndë shëndetësore.
Sipas njoftimit të QKUK, pacienti kishte marrë trajtim ambulantor për pesë ditë para hospitalizimit, por gjendja e tij ishte përkeqësuar ndjeshëm.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Menjëherë pas pranimit, janë kryer ekzaminimet diagnostike të nevojshme, dhe trajtimi është nisur në përputhje me gjendjen e tij klinike, duke përfshirë konsultat e nevojshme mjekësore.
Një nga ekzaminimet laboratorike të rëndësishme ishte analiza RT-PCR për Virusin e Nilit Perëndimor, e cila ka rezultuar pozitive, duke konfirmuar praninë e virusit në organizmin e pacientit.
Gjendja shëndetësore e pacientit ka vazhduar të jetë kritike, duke kërkuar trajtim intensiv dhe mbikëqyrje të vazhdueshme nga stafi mjekësor.
QKUK njofton se janë ndërmarrë të gjitha masat e nevojshme mjekësore dhe trajtimi medikamentoz është vazhduar sipas gjendjes klinike. Megjithatë, përkundër përpjekjeve të stafit, pacienti ka ndërruar jetë në orën 08:40 të datës 15.09.2026.
