Autoritetet në Maqedoninë e Veriut kanë konfirmuar vdekjen e tre personave me origjinë nga Kosova, të cilët ishin raportuar të zhdukur. Rastet tragjike u zbuluan pas një njoftimi për një automjet të përmbysur në rrugën që lidh pikëkalimin kufitar Bllacë me Shkupin.
Sipas informacioneve të Ministrisë së Punëve të Brendshme të Maqedonisë së Veriut, më 19 korrik 2026, rreth orës 22:35, policia mori njoftim për një mjet të markës “Mercedes” me targa gjermane që kishte dalë nga rruga dhe ishte përmbysur. Në vendngjarje mbërritën menjëherë efektivë policorë, të cilët në automjet gjetën tre persona – një mashkull dhe dy femra – pa shenja jete. Mjekët e ekipit të Ndihmës së Shpejtë konfirmuan vdekjen e tyre.
Ky zhvillim vjen pas raportimit të zhdukjes së tre personave, të cilët ishin nisur nga Aeroporti i Shkupit drejt Kosovës. Një shtetas i Kosovës kishte paraqitur denoncimin në Stacionin Policor Bit Pazar më herët gjatë së njëjtës ditë, duke deklaruar se kontakti i fundit me ta ishte bërë më 18 korrik, rreth orës 22:15, kur ata ndodheshin në aeroportin e Shkupit. Familjarët kishin kërkuar publikisht ndihmë për gjetjen e tyre.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Deri më tani, identiteti i viktimave nuk është bërë publik nga autoritetet. Pritet që hetimet të zbardhin plotësisht rrethanat e këtij aksidenti tragjik dhe të përfundojnë procedurat e nevojshme.
