Me rastin e ditëlindjes së tij, Ardit Gjebrea, figura e dashur dhe ikonike e ekranit shqiptar, mori një urim special dhe plot emocion nga ish-banorja e ‘Big Brother VIP Albania 5’, Selin Bollati. Bollati, e cila e konsideron Gjebrean si mentorin e saj, shprehu mirënjohjen e thellë përmes një postimi në rrjetet sociale.
Ajo ndau një fotografi krah moderatorit të njohur, të shkrepur në skenën e ‘Kënga Magjike’, duke i drejtuar fjalët më të përzemërta. “Gëzuar Ditëlindjen Ardit! Sa dashuri mban zemra ime për ty, këtë as nuk e përshkruaj dot, as fjalë mjaftueshëm nuk ka… Përjetë mirënjohëse dhe absolutisht me shumë fat që Zoti më solli tek ty. Festofsh 100-ra ditëlindje të tjera, Mentor!” shkroi Selin.
Ky mesazh dëshmon qartë lidhjen e fortë profesionale dhe njerëzore që balerina ka krijuar me Ardit Gjebrenë, duke theksuar vlerësimin e saj për udhëheqjen dhe mbështetjen që ai i ka dhënë në karrierën e saj televizive.
