Një incident i pazakontë ka ndodhur gjatë një koncerti të fundit në kryeqytet, duke krijuar tensione mes artistit Gjesti dhe DJ Gimbos. Performanca, e cila po mbahej në një nga klubet e Prishtinës, u ndërpre papritur për shkak të një defekti teknik.
Siç shihet edhe në pamjet filmike që po qarkullojnë me të madhe në rrjetet sociale, gjatë një interpretimi të përbashkët, mikrofoni i këngëtarit Gjesti ka pësuar një shkëputje. Kjo situatë ka bërë që vija melodike dhe vokali i këngës të dëgjohen pa ndërprerje në sfond, ndërsa artisti nuk ka qenë duke kënduar live.
Ky moment ka nxitur reagime të shumta nga publiku, i cili ka theksuar se këngëtari u zbulua duke mos performuar live. Pamjet tregojnë një Gjesti të tensionuar, i cili i kthyer drejt DJ Gimbos, i ka bërë me shenja dhe e ka pyetur: “Pse e lëshove?”. Artisti ka shfaqur qartazi nervozizmin dhe acarimin për këtë ngatërresë në mes të performancës.
