Edicioni i ri i ‘Big Brother VIP Kosova’ ka startuar me një mbrëmje të mbushur me emocione, duke prezantuar 21 banorë të rinj. Mes tyre, Olechka, konkurrente nga Bjellorusia, ka spikatur menjëherë për aftësitë e saj në gjuhën shqipe. Ky aspekt i saj nuk kaloi pa u vënë re nga opinionisti Resul Sinani, i cili e krahasoi atë me ish-banoren e njohur, Bia Khalifa. Krahasimi ngjalli menjëherë diskutime në rrjetet sociale.
Bia Khalifa, e cila gjithashtu nuk është shqiptare, por me origjinë rumune, nuk ngurroi të reagojë. Ajo shprehu kënaqësinë e saj për praninë e një konkurrenteje jo-shqiptare që flet rrjedhshëm shqip, duke nënvizuar rëndësinë e përgatitjes gjuhësore për një format si ‘Big Brother’.
Në reagimin e saj, Bia pranoi se në krahasim me Olechkën, ajo nuk ishte aq e përgatitur gjuhësisht kur hyri në shtëpi. Ajo kujtoi vështirësitë e hasura për shkak të barrierës gjuhësore gjatë kohës që ishte banore, duke theksuar se tash e tutje nuk do të marrë pjesë në projekte të tjera televizive pa e përsosur më parë gjuhën shqipe.
Në fund, Bia uroi suksese banorëve të rinj dhe shprehu entuziazëm për edicionin e ri të ‘Big Brother VIP Kosova’, duke lënë të kuptohet se niveli i lartë i pjesëmarrjes këtë vit është mjaft premtues.
