Një ngjarje e pakëndshme ka tronditur ish-konkurrenten e njohur të formatit televiziv “Ferma VIP 3”, Fabjola Elezaj, e cila njihet edhe me nofkën Ola. Ajo ka ndarë me publikun një përvojë të rëndë që i ka ndodhur gjatë konsumimit të ushqimit, duke lënë të kuptohet për një mungesë të theksuar higjiene.
Përmes një postimi në rrjetin social Instagram, Ola ka publikuar një fotografi ku shihet qartë një krimb brenda një pjate me makarona dhe sallatë. Pamja ka shkaktuar shqetësim dhe neveri, duke nxitur ish-konkurrenten të shprehë zhgënjimin e saj të thellë.
“E traumatizuar për gjithë jetën, nuk do të porosis më kurrë”, ka shkruar ajo në anglisht krahas imazhit shokues. Ky incident ngre shqetësime serioze lidhur me standardet e cilësisë dhe sigurisë ushqimore në lokalet e shërbimit të ushqimit në kryeqytet, duke bërë që klientët të dyshojnë për ushqimin që marrin.
