Nëse mendoni se ndarja e axhendës apo bisedat e përditshme janë të mjaftueshme për një lidhje të fortë, mendoni sërish. Intimiteti i vërtetë nuk ndërtohet mbi logjistikën, por mbi kureshtjen e thellë për botën e brendshme të partnerit.
Ekspertja e marrëdhënieve, Monica Berg, thekson se intimiteti nënkupton njohjen e detajuar të historisë së partnerit, që nga fëmijëria e deri te përvojat aktuale, përfshirë edhe marrëdhëniet e mëparshme. Kjo njohje na ndihmon të kuptojmë se çfarë e ka formësuar atë si person. Berg na kujton se pyetjet, të cilat janë intensive në fillim të një lidhjeje, nuk duhet të ndalen kurrë.
Për të kaluar përtej bisedave sipërfaqësore si “Si kalove sot?”, Berg propozon 10 pyetje thelbësore që nxisin intimitetin dhe thellojnë lidhjen:
- Cila është ajo gjë që bëj unë që të bën të ndihesh menjëherë më afër meje?
- Çfarë do të dëshiroje të kuptoja për ty pa pasur nevojë të ma shpjegosh?
- Kur ndihesh më i/e tërhequr pas meje (në sensin shpirtëror, jo vetëm fizik)?
- Cila është ajo gjë me të cilën po mëson ende të më besosh?
- Cili është një model (sjelljeje) që je krenar/e që e kemi thyer në lidhjen tonë?
- Cila është ajo gjë e vogël që bëj unë që të bën të ndihesh i/e dashuruar?
- Kur mendon se jemi në versionin tonë më të mirë si çift?
- Për çfarë ke pasur më shumë nevojë nga unë kohët e fundit?
- Cila është një mënyrë se si ne e sfidojmë njëri-tjetrin për të qenë njerëz më të mirë?
- Çfarë vlerëson më shumë në jetën tonë së bashku pikërisht tani?
Këto pyetje nuk kërkojnë një natë të vetme për t’u adresuar. Qëllimi kryesor është ruajtja e kureshtjes dhe vazhdimi i mësimit për partnerin, duke kuptuar se ai është gjithmonë në proces zhvillimi.
