Një situatë shqetësuese raportohet nga Kombinati Metalurgjik Trepça, ku rreth 30 minatorë dyshohet se kanë mbetur të bllokuar brenda në minierë.
Sipas informacioneve të para, bllokimi i minatorëve ka ardhur si pasojë e problemeve teknike me furnizimin me rrymë. Ata raportohet se janë të ngujuar që nga mbrëmja e djeshme.
Lajmin e ka konfirmuar edhe kryetari i sindikatës së minatorëve, Ibrahim Jonuzi, i cili ka deklaruar se rreth 30 punëtorë të nëntokës aktualisht gjenden brenda hapësirave të minierës dhe situata po monitorohet nga afër.
Autoritetet përkatëse pritet të japin më shumë detaje lidhur me shkaqet e sakta të incidentit dhe përpjekjet për lirimin e minatorëve.
