Pas protestës së sotme, Faton Peci, kreu i GUXO-s, ka bërë një deklaratë të fortë në mbështetje të Donika Gërvallës, duke theksuar se çdo përpjekje për ta linçuar atë do të hasë në kundërshtimin më të ashpër nga ana e tij dhe partisë që ai drejton.
Peci e ka quajtur të papranueshme kërkesën e Hysni Gucajt për shkarkimin e ministres Gërvalla, duke theksuar se njëra nga brigadat e UÇK-së kishte emrin e Jusuf Gërvallës, duke e lidhur kështu historinë e saj me luftën për liri.
Reagimi i plotë:
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Si Kryetar i Partisë Guxo, ndjej nevojën të shpreh mendimin tim pas protestës së sotme. UÇK ka qenë dhe do të mbetet simbol i kombit shqiptar, një trashëgimi e çmuar që do të ruhet përjetësisht.
Protestat janë një shenjë e civilizimit dhe një e drejtë e garantuar në një shoqëri demokratike. Ne e respektojmë këtë të drejtë, por çdo përpjekje për të stigmatizuar dhe demonizuar Donika Gërvallën do të përballet me reagimin tonë të fortë.
Familja e saj dhe vetë Donika Gërvalla përfaqësojnë një kapitull të rëndësishëm në historinë tonë të sakrificës për liri. Njëra nga brigadat e UÇK-së mban emrin e saj, duke e bërë atë një simbol të përkushtimit për atdhe.
Kjo histori është e paharrueshme dhe ne nuk do ta harrojmë kurrë! Mbrojtja e saj është një detyrë e çdo shqiptari që e respekton këtë trashëgimi.
Prandaj, ne themi me zë të lartë: stop sulmeve ndaj Donika Gërvallës!
