Policia e Kosovës ka njoftuar sot për një rast të pazakontë që ndodhi në rajonin e Gjilanit, ku një qytetar i ndërgjegjshëm dorëzoi një çantë të gjetur në nënstacionin Policor në Pozheran.
Sipas njoftimit të Policisë, qytetari e kishte gjetur çantën në orët e mëngjesit dhe menjëherë e dorëzoi në polici. Në çantë u gjetën dokumente personale dhe para të gatshme në vlerë prej 7500 euro.
“Policia nëpërmjet rrugëve operative ka arritur të identifikojë personin që e kishte humbur çantën dhe, pas verifikimit të procedurave ligjore, i është kthyer çanta me të gjitha dokumentet dhe paratë,” thuhet në njoftimin e Policisë.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Ky akt i ndershëm dhe human i qytetarit është një shembull i shkëlqyer i ndërgjegjes dhe devotshmërisë. Policia e Kosovës falënderon qytetarin për gjestin e tij të jashtëzakonshëm dhe gjithë qytetarët për bashkëpunimin dhe besimin e vazhdueshëm në institucionet e rendit.
