Një ngjarje e rëndë ka tronditur qytetin e Pejës. Arianit Çetaj, vetëm 34 vjeç, është gjetur pa shenja jete në banesën e tij, duke lënë pas një dhimbje të papërshkrueshme për familjen dhe të afërmit.
Ngjarja tragjike ndodhi pas kthimit nga një festë familjare. Arianiti kishte qenë prezent në një dasmë në Prizren së bashku me babain dhe të tjerë familjarë, ku ishin kthyer rreth orës 04:00 të mëngjesit. Fatkeqësisht, vetëm disa orë më vonë, rreth orës 09:30, babai dhe vëllai e kanë gjetur atë pa jetë.
Menjëherë pas njoftimit, në vendin e ngjarjes kanë mbërritur forca policore, hetues dhe ekipet e krimteknikës për të zbardhur rrethanat e vdekjes. Prokuroria ka urdhëruar dërgimin e trupit në Institutin e Mjekësisë Ligjore për ekzaminime të mëtejshme, ndërsa rasti është klasifikuar si “Hetim i vdekjes”.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Familja Çetaj ka njoftuar se ceremonia e varrimit do të mbahet sot, më 7 gusht 2026, në orën 17:00, në varrezat e qytetit të Pejës. Mesazhi i tyre prekës shpreh pikëllimin e thellë për humbjen e djalit të tyre të dashur: “Me pikëllim të thellë njoftojmë familjarët, miqtë dhe dashamirët se dje u nda nga jeta djali ynë i dashur, Arianit Çetaj”.
Ceremonia e lamtumirës do të zhvillohet në shtëpinë e familjes, në rrugën “Gavrill Dara”, Lagjja Kristal, duke ofruar mundësinë për të gjithë ata që e kanë njohur dhe dashur Arianitin të ndajnë dhimbjen dhe të japin ngushëllimet. “Pusho në paqe, Arianit. Kujtimi dhe dashuria për ty do të jetojnë përgjithmonë në zemrat tona”, përfundon njoftimi familjar, duke dëshmuar lidhjen e fortë dhe dashurinë e pakufishme që kishin për të.
