Kryeprokurori i Shtetit në detyrë, Agron Qalaj, dhe Koordinatorja Kombëtare për Zgjedhje, prokurorja Laura Pula, u takuan sot për të diskutuar trajtimin e rasteve penale lidhur me cenimin e të drejtës së votimit. Takimi synoi thellimin e bashkëpunimit dhe forcimin e masave për sigurimin e proceseve zgjedhore të ndershme.
Gjatë takimit, Kryeprokurori Qalaj vlerësoi lart punën e znj. Pula dhe të gjithë prokurorëve dhe zyrtarëve të sistemit prokurorial për profesionalizmin dhe përkushtimin e treguar gjatë mbikëqyrjes së procesit zgjedhor në të gjithë vendin. Ai theksoi politikën e ‘tolerancës zero’ ndaj çdo përpjekjeje për të cenuar vullnetin e qytetarëve, duke nënvizuar reagimin e shpejtë ndaj çdo dyshimi për parregullsi.
Prokurorja Laura Pula, duke falënderuar për mbështetjen, informoi mbi rezultatet e verifikimit të informatave të pranuara gjatë ditës së zgjedhjeve. Sipas saj, vetëm shtatëmbëdhjetë raste kanë paraqitur elemente të veprave penale kundër të drejtës së votimit. Nga këto, pesë persona janë ndaluar, ndërsa dymbëdhjetë janë liruar në procedurë të rregullt.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Znj. Pula shtoi se aktualisht po monitorohet trajtimi i këtyre rasteve në prokuroritë themelore dhe se të gjitha po vazhdojnë në procedurë të rregullt. Si në fund të takimit, Qalaj dhe Pula ritheksuan përkushtimin e Prokurorisë së Shtetit për trajtimin me përparësi dhe në përputhje me ligjin të të gjitha rasteve zgjedhore, duke e konsideruar mbrojtjen e integritetit të zgjedhjeve dhe të së drejtës së votës si një prioritet të vazhdueshëm.
