Këngëtari i njohur Labinot Tahiri, i njohur ndryshe si Labi, ka qenë i pranishëm në përvjetorin e katërt të LIT CLUB, ku performanca e tij ka ndezur atmosferën.
Pas një performance të suksesshme, Labi ka dhënë një intervistë ekskluzive për Prive, duke zbuluar detaje rreth projektit të tij muzikor me Elijonën. Ai foli për këngën e tij hit, “Zemra e re”, e cila u bë jashtëzakonisht popullore gjatë kohës së Big Brother VIP Kosova, falë performancave të Elijonës brenda shtëpisë.
Labi ka shpjeguar arsyen për të cilën vendosi të mos realizonte një videoklip për këtë këngë, pavarësisht popullaritetit të saj të menjëhershëm. “Kam bërë mirë që e kam lënë ashtu siç e kanë njoftë përmes Elijonës në BBVK. Ajo këngë mori hovin e madh përmes Elijonës dhe të gjithë atyre që e kanë kënduar në Big Brother,” tha ai, duke theksuar se kënga kishte krijuar një lidhje të fortë me publikun dhe nuk kërkonte mjete shtesë vizuale për të forcuar impaktin.
Megjithatë, këngëtari nuk përjashtoi mundësinë e një bashkëpunimi të ardhshëm me Elijonën, duke shprehur respekt për karrierën e saj dhe duke lënë të kuptohet se mund të sjellin projekte të reja së bashku në të ardhmen.
