Kryeministri në detyrë, Albin Kurti, pas ndërprerjes së seancës konstituive, u shpreh se është i gatshëm të përballet me situata të tilla në Kuvend për hir të dialogut.
Duke komentuar tensionimin e situës dhe rastin e hedhjes së vezëve drejt tij, Kurti theksoi se nëse ky është çmimi për të ulur deputetët në një bisedë, ai është i lumtur ta paguajë.
“Nëse gjuajtja me vezë dhe goditja e sakos dhe pantallonave të kryeministrit nga vezët që i hedh një deputete është çmimi që unë duhet ta paguaj në mënyrë që ata të ulen dhe të bisedojmë bashkë e të dialogojmë jam i lumtur ta paguaj këtë çmim vetëm le të vijnë në takim, vetëm le të ulemi të bashkëbisedojmë,” deklaroi Kurti.
Ai shtoi se nuk ankohet nga akti i hedhjes së vezëve, por nga refuzimi i tyre për t’u takuar dhe dialoguar. “Unë nuk ankohem që ata hedhen vezë, ankohem që ata nuk duan të takohen,” përfundoi Kryeministri.
