Ilir Shaqiri ka vijuar me organizimin e lojërave dhe rretheve brenda shtëpisë së “Ferma VIP”, duke krijuar një tjetër situatë të improvizuar për banorët e tjerë.
Pas një veprimi të ngjashëm të kryer vetëm një ditë më parë, ai ka zgjedhur të simulojë largimin e tij përfundimtar nga gara, duke bërë gati valizhet dhe duke u drejtuar nga dera e daljes.
Gjatë këtij momenti, ai ka përshëndetur konkurrentët e tjerë dhe ka shkëmbyer takime me ta, sikur po ndërpiste rrugëtimin e tij në këtë format televiziv.
Megjithatë, reagimi i pjesës më të madhe të fermerëve ka qenë skeptik, pasi ata nuk e kanë besuar vërtetësinë e këtij veprimi, duke dyshuar që në fillim se bëhej fjalë për një tjetër skenat të përgatitur prej tij.
Kjo lëvizje vjen menjëherë pas një tjetër skene të inskenuar nga vetë Shaqiri gjatë ditës së djeshme, ku ai u shtir sikur humbi ndjenjat dhe u rrëzua në tokë në prani të të tjerëve.
Edhe pse ai moment shkaktoi një shqetësim fillestar, situata u sqarua shpejt dhe u shoqërua me të qeshura nga banorët, gjë që ka bërë që ata të jenë më të kujdesshëm dhe mos t’i marrin seriozisht veprimet e tij të radhës.
