Granit Xhaka është nominuar për Top të Artë. Mesfushori me origjinë shqiptare, pas një viti fantastik si me kombëtaren ashtu edhe me skuadrën e tij, është përfshirë në listën e fituesve të mundshëm të çmimit prestigjioz.
31-vjeçari luajti 33 ndeshje me Leverkusen në sezonin e kaluar, teksa me paraqitjet e tij ndihmoi skuadrën për të fituar titullin kampion në Bundesligë. Xhaka, gjithashtu, realizoi 3 gola në kampionat. Për t’u theksuar fakti se ceremonia e ndarjes së Topit të Artë do të zhvillohet më 28 tetor, në Paris
Tanimë France Football ka bërë publike edhe listën e plotë me 30 finalistët që do u paraqiten trajnerëve dhe kapitenëve të kombëtareve, si edhe gazetarëve në mbarë botën, nga ku me votë do dalë fituesi i Topit të Artë 2024.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Bie në sy se Lionel Messi, fituesi në fuqi i trofeut më të rëndësishëm individual në botë për futbollistët, ka mbetur jashtë. Për herë të parë në 15 vitet e fundit Messi dhe Ronaldo nuk janë mes 30 emrave finalistë.
Lionel Messi dhe Cristiano Ronaldo kanë fituar së bashku 13 trofe të tillë në 15 vitet e fundit. Vetëm Luka Modric (2018) dhe Karim Benzema (2022) arritën ta fitojnë këtë trofe në këto vite.
Sipas medieve në Evropë, favoritët për ta fituar trofeun e 2024 janë Vinicius Jr. i Real Madrid, Rodri i Man. City apo edhe Jude Bellingham po i madrilenëve. Në listë bie në sy emri i Granit Xhakës, mesfushorit shqiptar që ndihmoi Bayer Leverkusenin të fitonte trofeun e parë të Bundesligës në histori.
Kylian Mbappe, Haaland, Lamine Yamal, Dani Olmo, Harry Kane, Toni Kroos apo edhe Rudiger dhe Hummels janë mes emrave të nominuar.
