Pas suksesit të këngës më të re “Gasolina”, në bashkëpunim me Dhurata Dorën, artisti i njohur Gjesti ka zgjedhur të ndajë momente të veçanta me publikun e tij të gjerë. Ai ka publikuar një kolazh fotosh në Instagram, duke ofruar një vështrim në jetën e tij private, përfshirë udhëtimet jashtë vendit me babain dhe pamje nga përditshmëria.
Ky gjest vjen si shenjë mirënjohjeje për mbështetjen dhe dashurinë që fansat i kanë treguar. “Së pari, falënderimi i takon Zotit, e pastaj secilit prej jush për mbështetjen, dashurinë dhe respektin që ma keni dhënë. Jam munduar t’i mbledh sado pak disa nga momentet e mia, vetëm për ju. Shpresoj t’i shijoni,” ka shkruar artisti, duke prekur zemrat e ndjekësve.
Përveç falënderimeve, Gjesti ka lënë të kuptohet se ka plane ambicioze për të ardhmen. “Me ndihmën e Zotit, nuk ndalem me kaq… kam diçka shumë të veçantë në mendje për ju,” ka deklaruar ai, duke shtuar një dozë misteri dhe duke nxitur kureshtjen e fansave se çfarë surprize të re do të sjellë artisti. Pritshmëria për projekte të reja apo bashkëpunime të mundshme është e lartë, teksa Gjesti vazhdon të konsolidojë lidhjen e tij të fortë me publikun.
