Situata politike në Kosovë ka nxitur shqetësime të thella tek veprimtari Ramazan Bekteshi, i cili thekson se gjashtë vota të papritura mund të jenë kyçe për fatin e zgjedhjes së presidentit të ri dhe për stabilitetin e vendit.
Bekteshi ngre pikëpyetje thelbësore lidhur me këto vota, duke analizuar dy skenarë të mundshëm: a do të shërbejnë ato për të nxjerrë LDK-në nga ajo që ai e cilëson ‘falimentim politik’ dhe për të shpëtuar shtetin nga një gjendje agonie, apo do të çojnë vendin drejt një cikli të pafund zgjedhjesh të parakohshme?
Ai paralajmëron se kur pakënaqësia politike tejkalon interesat kombëtare, pasojat mund të jenë shkatërruese, duke mos prekur vetëm një parti politike, por duke rrezikuar në mënyrë serioze stabilitetin e gjithë shtetit.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
“Hoti duket se po përjeton një moment të favorshëm. Me ndihmën e trojkës së tij fillestare, ai mund të arrijë dy qëllime me një veprim të vetëm: ta përçajë LDK-në dhe ta çojë vendin drejt zgjedhjeve të pafundme,” shkruan Bekteshi, duke shtuar se edhe opozita mbështet këtë lojë politike.
Sipas tij, kundërshtarët politikë po presin me padurim të pengojnë funksionimin e shtetit, në një përpjekje të dëshpëruar për të rimarrë mbështetjen e humbur nga elektorati. Situata kulmon me pyetjen kryesore: a do të jenë të mjaftueshme gjashtë votat e kërkuara për të siguruar presidencën?
Bekteshi përmbyll analizën e tij me një paralajmërim të fortë: “A do të shpëtojnë LDK-në nga falimentimi politik dhe shtetin nga agonia, apo do të hidhen nga inati si kamikazë, duke e rrëzuar veten, partinë dhe vendin? Kur inati bëhet më i madh se Dardania, nuk rrëzohet vetëm një parti, por rrezikohet edhe stabiliteti i shtetit.”
