Ish-banorja e njohur e ‘Big Brother VIP 3’, Françeska Murati, ka vendosur të flasë hapur për herë të parë rreth ndarjes së saj nga ish-partneri, një temë që ka nxitur mjaft debate dhe kuriozitet në rrjetet sociale. Pavarësisht ndarjes, Françeska thekson se marrëdhënia me ish-partnerin është e mbushur me respekt dhe miqësi të sinqertë.
Ajo e përshkruan ish-partnerin si mikun e saj më të ngushtë, duke nënvizuar se ata vazhdojnë të bashkëpunojnë ngushtësisht për rritjen dhe kujdesin e djalit të tyre. “Kam pasur dëshirë të flas prej kohësh, por është sfiduese të gjesh ekuilibrin mes jetës private dhe asaj publike. Fansat e mi janë të interesuar, por eksperienca ime në ‘Big Brother’ bëri që jeta ime të jetë shumë e ekspozuar. Nuk dua t’i përfshij persona që nuk janë pjesë e kësaj fame,” ka deklaruar Françeska.
Ajo ka konfirmuar se ndarja është reale, por dashuria dhe lidhja mes tyre mbetet e fortë, sidomos për hir të djalit. “Jemi ndarë, por kemi një lidhje të fortë për hir të djalit tonë. E duam pa masë. Jemi njohur prej 15 vitesh dhe ka ardhur një pikë ku dashuria jonë është kthyer në miqësi të thellë,” tha ajo në emisionin “Ftesë në 5”.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Françeska ka hedhur poshtë edhe spekulimet për një partner të ri, duke sqaruar se një foto e publikuar nga plazhi, ku duket reflektimi i një personi, ishte e manipuluar me Photoshop. “Ajo foto është punuar me Photoshop. Më vjen të qesh, sepse shpesh fotot e mia modifikohen me AI. Atë ditë isha me një shoqe,” shpjegoi ajo, duke shtuar se nuk ka kohë për të merituar me këto lloj thashetheme.
“Nuk kam kohë t’i shpjegoj çdo mashtrim. Është rraskapitëse të përballesh me trillime. Unë jam një person privat dhe nuk dua të merrem me këto,” përfundoi ajo, duke theksuar rëndësinë e ruajtjes së privatësisë.
Françeska Murati vazhdon të jetë një figurë me peshë në publik, dhe mënyra se si ajo menaxhon marrëdhëniet pas ndarjes tregon rëndësinë e ruajtjes së harmonisë dhe respektit, pavarësisht sfidave të jetës.
