Prezantuesja dhe gazetarja e njohur e RTK, Fitore Rexhepi, ka përjetuar gëzimin e radhës duke u bërë nënë për herë të tretë. Ky lajm emocionues u nda me publikun nga vetë Rexhepi nëpërmjet një postimi të ndarë në rrjetet sociale.
Fitore Rexhepi me emocion ka bërë të ditur se vajza e saj më e vogël mban emrin Ema. Në postimin e saj, ajo ka shprehur gëzimin e saj të madh për zgjerimin e familjes, duke e cilësuar ardhjen në jetë të Emës si njërën nga surprizat më të bukura që i ka ndodhur.
Moderatorja ka theksuar lumturinë e saj duke deklaruar se familja tashmë është “full house”, duke hapur kështu një kapitull të ri dhe plot lumturi në jetën e saj familjare.
