Një video e re që qarkullon në rrjetet sociale ka ngritur shumë pikëpyetje dhe spekulime rreth reperit të njohur Don Xhoni dhe ish-finalistes së Big Brother VIP Kosova, Elijona Binakaj. Dyshja janë parë duke udhëtuar së bashku në një veturë, duke nxitur diskutime për natyrën e marrëdhënies së tyre dhe mundësinë e një projekti të përbashkët.
Gjatë një diskutimi në emisionin “Ora 7” në Klan Kosova, gazetari Agon Rexhepi sugjeroi se ky shfaqje publike mund të jetë një paralajmërim për një projekt të ri muzikor nga Don Xhoni. Sipas tij, përfshirja e Eljonës, një figurë mjaft e popullarizuar, mund të jetë një mënyrë efektive për të rritur interesin e publikut dhe për të gjeneruar klikime.
“Hiç më larg se natën e djeshme, Eljona dhe Don Xhoni kanë marrë shumë vëmendje. Ajo që me patjetër ka sjellë më së shumti klikime është videoja me Eljonën. Ata shihen në makinë dhe me shumë gjasë, mund të jetë një paralajmërim për një bashkëpunim apo videoklip të ri”, u shpreh Rexhepi.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Në të njëjtin kontekst, Vesa Kelani, një tjetër paneliste e emisionit, theksoi se përdorimi i personazheve të njohur për të promovuar projekte është një praktikë e zakonshme në industrinë muzikore. Ajo shtoi se artistët shpeshherë synojnë të tërheqin vëmendjen duke bashkëpunuar me individë që aktualisht janë në qendër të vëmendjes.
“Duke e pasur parasysh që Eljona është një personazh shumë i dashur për publikun, besoj se edhe Don Xhoni e ka ditur çfarë po bën dhe e ka shfrytëzuar momentin. Nuk është as i pari e as i fundit, pasi vitet e fundit shumë artistë, kur duan të promovojnë një këngë apo një spot, përfshijnë persona që janë në qendër të vëmendjes”, deklaroi Kelani.
Panelistët e emisionit u pajtuan se kjo mund të jetë një strategji e kujdesshme marketingu e Don Xhonit për të krijuar kureshtje te fansat para lansimit të një projekti të ri. Të gjithë janë në pritje për të zbuluar nëse ky bashkëpunim i mundshëm do të materializohet dhe çfarë surprizash do të sjellë për publikun.
