Pas viteve të suksesshme me këngë të cilat shpejt janë kthyer në hite dhe bashkëpunime të shumta, reperi i njohur Don Xhoni duket se po përgatitet për një kapitull të ri muzikor. Këtë vit, artisti ka vendosur të sjellë një projekt më të madh dhe më të kompletuar për publikun e tij.
Paralajmërimi i parë për këtë album erdhi që në dhjetor të vitit të kaluar, me publikimin e këngës “Ghetto”, e cila shërbeu si hapi i parë drejt këtij materiali ambicioz. Që nga ajo kohë, pritja e fansave për detaje të mëtejshme është shtuar ndjeshëm.
Ndryshe nga vera e kaluar, ku fokusi ishte në një projekt muzikor të vetëm, Don Xhoni këtë herë ka paralajmëruar të sjellë një paketë të plotë këngësh, duke u dhënë fansave një eksperiencë më të pasur. Tani, mbetet vetëm njoftimi zyrtar për datën e publikimit të albumit në të gjitha platformat digjitale.
