Në ditën e saj të veçantë, Selvije Jao përjeton një ditëlindje të mbushur me emocione të forta dhe kujtime të hidhura. Mungesa e bashkëshortit të saj, këngëtarit të njohur Shpat Kasapi, i cili u nda nga jeta tragjikisht më 26 nëntor 2025, e bën këtë festë edhe më të vështirë.
Me nostalgji, Selvija ndau në Instagram një video nga një ditëlindje e kaluar, ku Shpati e surprizonte me dashuri. Pamja, e shoqëruar nga një dedikim prekës, nxjerr në pah lidhjen e tyre të thellë. “Sado angazhime të kishe, sado momente të vështira të kishim kaluar, edhe kur jeta na sfidonte aq shumë, ti prapë nuk e harroje këtë ditë. Ti prapë dije si ta bëje ditën time festë”, shkruan ajo.
Selvija rrëfen se si gjatë ditës së sotme, ajo ka pritur me shpresë që dera të hapej dhe Shpati të shfaqej përpara saj, si dikur. “E sot, gjithë ditën kam pritur të vish… Të hapet dera e të më thuash: ‘Surprizë, Selvooo… ishte thjesht një shaka e hidhur…’. Po ti nuk erdhe”, shpreh ajo dhimbjen e saj të thellë.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Shpat Kasapi ndërroi jetë si pasojë e një ataku kardiak gjatë qëndrimit të tij në Itali, duke lënë pas bashkëshorten dhe djalin e tyre, Roelin. Selvija ka ruajtur gjithmonë kujtimin e tij të gjallë, duke ndarë shpesh fotografi dhe momente nga jeta e tyre.
Në mesazhin e saj të ditëlindjes, ajo flet për sfidën e vazhdimit të jetës përballë humbjes, duke pranuar vështirësitë e brendshme. “Sot të gjithë mund të më shohin të fortë. Të rregulluar. Të buzëqeshur. Të ‘prezantueshme’. Por askush nuk e di sa shumë jam duke vdekur përbrenda çdo ditë”, zbulon ajo.
Dedikimi i saj përfundon me fjalë të forta për mungesën e tij: “Sot është ditëlindja ime, Shpat… Por pa ty, kjo ditë nuk është më si dikur. Më mungon më shumë se çdo fjalë që mund të shkruaj.”
