Kushtrimi Kelani dhe Aurora Rrusta, çifti që u bë protagonist i vëmendjes pas dasmës së tyre, kanë bërë një paraqitje të veçantë publike. Ata u shfaqën në inaugurimin e GUESS MAN në Albi Mall, ku ndanë detaje emocionuese nga jeta e tyre e re si bashkëshortë. Ish-banorët e ‘Big Brother VIP Kosova’ shprehën kënaqësinë për periudhën e mrekullueshme pas dasmës, duke theksuar se çdo moment i kësaj dite të veçantë është shijuar plotësisht.
Gjatë intervistës, çifti foli edhe për koleksionin e ri GUESS MAN dhe stilin personal. Kushtrimi u shpreh se është ai që kujdeset për zgjedhjen e veshjeve, ndërsa Aurora me humor pranë se ai shpesh injoron këshillat e saj për modën.
Një nga temat më të nxehta të diskutimit ishte dasma e tyre, e cila ngjalli reagime të shumta në rrjetet sociale, sidomos lidhur me personin e Benitës dhe ngjyrën e fustanit të saj. Lidhur me aludimet se Benita mund të ketë prishur dasmën, Aurora u shpreh mirënjohëse për të gjithë të ftuarit, përfshirë edhe Benitën, duke thënë: “Jemi kënaqur tepër shumë”. Ajo megjithatë preferoi të mos komentojë më tej për këtë çështje.
Në fund, çifti zbuloi planet për muajin e mjaltit, duke shprehur dëshirën për të udhëtuar drejt një destinacioni të ngrohtë, gati për të filluar aventurat e reja si bashkëshortë. Për më shumë detaje, ndiqni intervistën e realizuar nga Prive By LS!
