Selin Bollati ka zgjedhur të ndajë me botën një mesazh të veçantë për partnerin e saj, DJ Gimbo, në ditëlindjen e tij, duke e bërë këtë moment edhe më të paharrueshëm.
Fituesja e “Big Brother VIP Albania 5” ka publikuar një fotografi të bukur të tyre së bashku, e cila është realizuar gjatë qëndrimit të tyre në formatin e njohur. Kjo imazh shoqërohet me një dedikim emocionues që tregon thellësinë e ndjenjave të saj për Gimbon.
“Sapo e kuptova se gjithçka mori kuptim. Kuptova sa thellë më do Zoti, sepse mes gjithë shpirtrave në këtë botë, Ai zgjodhi të të sillte ty tek unë. Bekimi im më i madh, vendi im më i sigurt dhe kujtesa më e ëmbël se sa me fat jam vërtet. Gëzuar ditëlindjen dashurisë sime, mikut tim më të mirë dhe numrit tim 11 me fat përgjithmonë… Të dua!”, shkroi Selin në postimin e saj.
Historia e dashurisë mes Selin Bollatit dhe DJ Gimbos filloi në shtëpinë e “Big Brother VIP Albania 5”, ku njohja e tyre brenda këtij formati u shndërrua në një romancë të sinqertë dhe të thellë. Kjo lidhje ka qenë një nga momentet më të ndjera të sezonit.
Pas përfundimit të formatit, ata kanë vazhduar të ndajnë momente të bukura së bashku, duke u shfaqur shpesh në evente dhe në rrjetet sociale, duke treguar se dashuria e tyre është e fortë dhe e qëndrueshme.
Dedikimi i fundit i Selin për Gimbon është një dëshmi e qartë se marrëdhënia e tyre vazhdon të jetë e fortë dhe e mbushur me dashuri. Urimi për ditëlindjen e tij ka shkaktuar reagime të shumta nga ndjekësit e çiftit, të cilët e mbështesin këtë lidhje të veçantë.
