Gianluigi Buffon, ikonë e futbollit italian, ka rrëfyer detaje të reja rreth ofertave që ka marrë për role drejtuese, duke përfshirë edhe një komunikim me Paolo Maldinin dhe Leonardon.
Legjenda e portës italiane ka theksuar se ndjehet i fyer nëse një propozim i tillë bazohet vetëm në emrin e tij, pa pasur një vizion të qartë për kontributin që mund të japë.
“Maldini dhe Leonardo kanë qenë shumë të sjellshëm. Kam hezituar, ata përdorën argumente shumë interesante që ky rol të mund të më besohej mua,” ka deklaruar Buffon, duke pranuar se oferta për të qenë pjesë e projektit të tyre për kombëtaren e Italisë e ka vënë para një dileme.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Megjithatë, Buffon ka vendosur të refuzojë, duke shpjeguar se dëshira për të ruajtur pavarësinë dhe për t’u fokusuar në formimin personal gjatë këtij viti ishte më e fortë.
“Këtë vit dua ta përdor për formimin tim personal,” ka shtuar ai, duke treguar qartë se prioritet ka zhvillimin e tij jashtë fushës së blertë për momentin.
Buffon ka lënë të hapur derën për propozime të tjera në të ardhmen, por me një kusht të qartë: “Nëse do të ketë ndonjë propozim të bukur, do ta marr në konsideratë, por nuk dua të jem në një pozicion ku të më duhet të pres futbollin.” Ai kërkon një rol aktiv dhe jo pasiv.
Lidhur me një hipotetikisht rol drejtues te Juventusi, Buffon ishte i prerë: “Nëse do të më telefononin vetëm sepse jam Buffon, do të ndihesha i ofenduar.”
Këto deklarata nxjerrin në pah vlerat e Buffon, i cili kërkon të kontribuojë me dijen dhe përvojën e tij, duke mos u mjaftuar vetëm me famën e fituar.
