Bernardo Silva ka filluar një kapitull të ri emocionues në karrierën e tij, duke u bashkuar me Real Madridin. Pas një periudhe të suksesshme te Manchester City, ai ka vendosur të kalojë te klubi më i njohur në historinë e futbollit, pavarësisht spekulimeve të vazhdueshme për një transferim te Barcelona.
Në stërvitjen e tij të parë nën drejtimin e José Mourinhos, Silva shprehu emocionet e tij për këtë aventurë të re. Ai theksoi se kur klubi madrilen e kontaktoi, nuk kishte asnjë dyshim në mendjen e tij: “Kur Real Madridi më kërkoi, ishte e pamundur të thoja jo. Nuk e mendova as për një sekondë.”
Portugezi, që ka përballur Real Madridin shumë herë si kundërshtar, e di mirë se sa e veçantë është të jesh pjesë e këtij klubi. Ai e përshkroi stadiumin “Santiago Bernabéu” si një vend mbresëlënës, duke theksuar se ndjenjat që ai sjell janë të papërshkrueshme.
Fluturim direkt – Prishtinë → Stuttgart
Nisje: çdo ditë
Fluturim direkt – Prishtinë → Munich
Nisje: çdo ditë
Fluturim direkt – Prishtinë → Goteburg
Nisje: çdo ditë
Një tjetër faktor që e bëri këtë transferim të veçantë për Silvën është afërsia me vendlindjen e tij. Ai shprehu se të jetë pranë njerëzve të tij dhe në një kulturë të ngjashme është një avantazh i madh për të. “Të jem afër Portugalisë është diçka që e vlerësoj shumë,” tha ai.
Silva e përshkroi kalimin te Real Madridin si një privilegj të jashtëzakonshëm, duke e quajtur klubin madrilen si më të madhin në historinë e futbollit. “Një fjalë që e përshkruan më së miri Real Madridin? TROFE,” theksoi ai me pasion.
Sa i përket marrëdhënies me José Mourinhon, Silva shprehu kënaqësinë që tani janë në të njëjtën anë pas shumë përballjeve si kundërshtarë. “Jam shumë i lumtur që do të nis këtë rrugëtim dhe do të mësoj prej tij,” përfundoi ai, duke lënë të kuptohet se ka shumë pritshmëri për të ardhmen e tij te Los Blancos.
